Tumhare Liye

Ankhein moonde kone mai,
jab khudko sabse alag karti hu,
khudko khudse jab milati hu,
tujhko hamesha saath paati hu.
Mera gagan, mera saaya hai tu,
mujhme har pal samaya hai tu.
bhagti hui is bheed mai jab rehti hu peeche,
zindagi ki dhoop mai, chalti hu kiye sir neeche,
par uthaati hu jab bhi nazar,
Paati hu tujhko har taraf,
mera gagan, meri chaaya hai tu,
mujhme har pal samaya hai tu.
Ek nayi duniya mai kadam rakh rahi hu,
tere har pal mai samane ki koshish kar rahi hu,
khwabo ki khwaish nahi thhi kabhi zada,
har haqeeqat ko khwab sa bante dekh rahi hu,
mera gagan, meri maaya hai tu,
mujhme har pal samaya hai tu.
Khushiyo ki dastak ka aagaz hai tu,
meri har kalpana, har shabd ki aawaz hai tu.
Raste, manjile, sab paas nazar aati hai,
Jabser mera humsafar hai tu,
Mera gagan, mera saaya hai tu,
mujhme har pal samaya hai tu.

By Neeti